WhatsApp’da katta yangilanish: Kuchaytirilgan parollar va noma'lum qo'ng'iroqlardan yangicha himoya

Mashhur messenjer WhatsApp foydalanuvchilar xavfsizligini yangi bosqichga olib chiquvchi muhim yangilanishlarni e'lon qildi. Endilikda hisoblarni buzib kirish va firibgarlar tuzog'iga tushib qolish xavfi sezilarli darajada kamayadi.

Ikki bosqichli tasdiqlash endi yanada mushtahkam

Ilgari WhatsApp’da ikki bosqichli tasdiqlash uchun oddiy 6 xonali PIN-kod yetarli bo'lgan bo'lsa, endilikda platforma to'liq va mukammal parollar tizimiga o'tmoqda. Yangi parollar uzunroq bo'lib, o'z ichiga harflar, raqamlar va maxsus belgilarni oladi. Bu esa g'arazli niyatda bo'lgan shaxslarning parolni taxmin qilib topish imkoniyatini yo'qqa chiqaradi.

Noma'lum qo'ng'iroqlardan batafsil ma'lumot

Keyingi muhim funksiya — qo'ng'iroqlar xavfsizligi bilan bog'liq. Endi kontaktlaringiz ro'yxatida bo'lmagan raqamdan qo'ng'iroq kelganida, WhatsApp sizga ushbu abonent haqida ko'proq ma'lumot beradi. Masalan:

• Raqam qaysi davlatga tegishli ekani;
• Ushbu raqam egasi bilan qanday umumiy guruhlaringiz borligi.

Ushbu ma'lumotlar firibgarlar va spamerlarni o'z vaqtida aniqlashga yordam beradi. Biroq, ushbu funksiya hozircha faqat Android foydalanuvchilari uchun taqdim etilmoqda.

Passkey: Parollarsiz xavfsiz kelajak

WhatsApp shuningdek, foydalanuvchilarni Passkey (Kirish kalitlari) funksiyasidan foydalanishga chorlamoqda. Ushbu texnologiya hisobga barmoq izi, Face ID yoki ekran kodi orqali lahzalarda va hech qanday SMS-kodlarsiz kirish imkonini beradi.

Kompaniya ma'lumotlariga ko'ra, 1 milliarddan ortiq odam Passkey o'rnatib bo me'lumotlarini himoyalab bo'lgan. Endilikda bir hisobga bir nechta Passkey biriktirish imkoniyati ham qo'shildi. Bu, masalan, bir vaqtning o'zida ham Android, ham iPhone ishlatadigan foydalanuvchilar uchun juda qulaydir.

Passkey funksiyasini yoqish uchun: Sozlamalar > Hisob > Kirish kalitlari (Settings > Account > Passkeys) menyusiga o'ting.